തിരസ്കരിണി

മനസ്സിൽ ചിതറിയ ഓർമകളെ 

വാക്കുകളുടെ നൂലിൽ ചേർത്ത് 

കളഞ്ഞു പോയ സ്വപ്നങ്ങളുടെ 

കവിതയെ കണ്ടെത്തണം ...

മഴയുടെ  തണുപ്പിൽ  

ആ കവിതയുടെ  ജീവനറിയണം ...

ഇനിയൊരിക്കലും  തിരിച്ചു കിട്ടാതാകുമ്പോൾ 

       ആണ് ആ കവിതയെൻ സ്വപ്നമായത് ...

തുരുത്ത്

ചില നിമിഷങ്ങളെ നാമിനിയും 

മറക്കുവാൻ പഠിക്കേണ്ടിയിരിക്കുന്നു ..

എൻ  സ്വപ്ന ജാലകത്തിൽ 

ഒരു മഞ്ഞു വരയായ് 

നിന്നോർമകൾ ചിത്രങ്ങൾ 

വരക്കാറുണ്ട്  ഇപ്പോഴും ...

കൈ  കോർത്ത്‌ നടന്നൊരാ 

പാതയോരങ്ങളിലെ  വാക മരങ്ങൾ 

പിന്നെയും പൂത്തിരുന്നു
നിന്റെ ഗന്ധം നിറഞ്ഞൊരു ഉടലിൽ 

നീറുന്നൊരു  മനമുള്ളത് നീ മറന്നുവോ...

മനസങ്ങനെ ആണ് ...

ഓർമകളുടെ  തെളിവെളിച്ചത്തെ 

മറവിയുടെ ഗുഹയിൽ 

ഒളിപ്പിക്കുവാനെളുപ്പം ..

എങ്കിലും  മറക്കുവാൻ 

നിനച്ചൊരു സ്വപ്നങ്ങളെ 

കൂർത്ത മുല്ലുകളാൽ കോർത്ത് 

ഹൃദയത്തിൽ  കൊരുത്തിടും..

ഇരുൾ വീണ മുറികളിൽ 

കനൽ കോരി വിതറി 

അതിലൊരു പട്ടു മെത്ത വിരിച്ചെന്റെ 

മനസിന്റെ വ്യഥകൾ മറന്നിടാം ...
കുറച്ചേറെ  മൗനമായി ഇരുന്നിടാം 

മൌനത്തിൽ അലിഞ്ഞിടാം 

ഇവിടെ വരെ

നിന്റെ മുഖ ചിത്രങ്ങൾ 

പകർത്തിയ  എൻ 

മനസിൻ ചുവരുകളിൽ 

 ഇനി  മറവിയുടെ

മാറാല കൊണ്ടെനിക്ക് 

നിന് മുഖം മായ്ക്കേണം ....

പിന്നീടതിലൊരു  മഴ വീണ് 

നനഞ്ഞൊരു  പുതു ജീവന്റെ 

വിത്ത് പാകി 

അതിലെൻ മരണത്തെ 

മറന്ന് ഇടണം ..

മൌനത്തിൽ ഉറഞ്ഞിടുന്ന 

വാക്കുകളിലെൻ 

വ്യഥകൾ  അറിയാതെ 

മായുന്നുവോ...

ഒരു നിമിഷം .....

ഒരു കർക്കിടക  മഴ പോൽ 

ആർത്തലച്ചു പെയ്തു തോർന്നു 

എങ്ങോ ഒഴുകി മറയുവാൻ 

ഏതു നിമിഷം  ബാക്കി ...

വ്യഭിചാരം/കഥയെഴുത്ത്/കവിതയെഴുത്ത്/തോന്യവാസം

"में हू  ना .."
"ഒരു മാതിരി ഊളന്‍ qstn   ചോദിക്കല്ലേ...... i am really desp... broken insyd... "

പൊഴിയുവാന്‍  കൊതിച്ചില ത്തുമ്പിലെ  മഴത്തുള്ളിയും 

പിരിയുവാന്‍ കഴിയതൊരാ യിലത്തുമ്പും ...

അങ്ങനെ ഉള്ള അവസരങ്ങളില്‍ ഏറ്റവും നല്ലത്  facebuk -ല്‍  വ്യഭിചരിക്കാന്‍ പോവുകയാണ്.. ആരും അറിയാത്ത  വ്യഭിചാരം.. ഒരു  profyl il നിന്നും അടുത്തതിലേക്ക്..
ഒരു തരം new gnrn വ്യഭിചാരം...new gnrn  എന്ന് പേരിട്ടാല്‍ പിന്നെ  എന്തും ചെയ്യാം..new gnrn കഥയാവാം   new gnrn കവിതയവാം... അവനവാനത്മ  സുഖത്തിനായി എന്തും എഴുതാം .. ആര്‍ക്കും ഒന്നും മന്സിലവരുതെന്നെ ഉള്ളു...

"നിന്റെ പ്രണയം പൂത്ത്  തളിര്‍ക്കട്ടെ 

നീ ഒരു വല്ലിയായി  എന്നില്‍ പൂത്തുലയട്ടെ..

ഒരു മഴച്ചാറ്റലില്‌  ഞാന്‍ നിന്‍ ചുണ്ടുകള്‍

തന്‍ മധുരം നുണ ഞ്ഞിടട്ടെ ...

ഒടുവിലൊരു ചെറു കാറ്റില്‍ 

നിന്‍ പ്രനയ്ത്തിനിലകള്‍  കൊഴിഞ്ഞു നീ 

ഒരു കുഴിമാടം  തീര്കട്ടെ ...."

ശീര്‍ഷകം

കനലൂതി  കരിയായി അതിലെന്‍ 

ആത്മാവ്  മൂടി ചാരമായ് വിണ്ണി ലൂതി 

പടര്തിയിടാം ...

ഒരു മരണകുറി പ്പായി അതിലെന്‍ ജീവനും 

അലിഞ്ഞിടട്ടെ..

കരഞ്ഞു തീര്‍ന്നൊരു തുള്ളികളിനിയും

 വരുവാന്‍ മടിക്കും.....

ഒരു താളില്‍ തീര്‍ന്നൊരു നഷ്ടബോധം...!

ചൊവ്വ: മഞ്ഞുകാല സ്വപ്നം

ശൈത്യം എന്റെ ചില്ല് ജനാലകളില്‍ 

കൂട് കൂട്ടുമ്പോള്‍ ....

സ്മൃതി യുടെ കളിത്തോണി 

മെല്ലെ ഒഴുകി  നീങ്ങിടുന്നു ...

മാഞ്ഞു പോയൊരു ശരത്കാലപൂക്കളില്‍ 

കൊഴിയാന്‍ മറന്നൊരു  അനുരാഗത്തിന്‍ 

മൃദു കണം ....

മൃതിയടഞ്ഞ കനവുകളെ ഉണര്‍ത്തുന്ന 

പുനരുജ്ജീവനം...

അതിലെന്‍ ഞരമ്പുകളില്‍ 

പിന്നെയുമൊരു മഴയുടെ പിണക്കവും..

വഴി മറന്നു കടന്നു പോകുന്ന ഋതുക്കള്‍

എന്‍ ജാലകപടിയില്‍  നില്ക്കാന്‍ മറന്നു ...

ഇനിയീ ശൈത്യത്തില്‍  നിന്നോര്മകളില്‍ എന്നെയും 

പുതഞ്ഞു മൂടാതെ ഇരിക്കട്ടെ...

വെള്ളിയാഴ്ച്ചക്കനവുകള്‍ : പുറം...മറുപുറം..

                                            

                                                                 നനുത്ത മഞ്ഞിന്‍ പടലം പുറത്തു നിന്ന്  കൂടാരത്തെ വന്നു മൂടി ...വെളുത്ത ഡ്രെസ്സില്‍  അവള്‍ വളരെ മനോഹരി ആയിരിക്കുന്നു . ടെന്റിന് പുറത്തു മഞ്ഞു വട്ടമിട്ടു പുതയുന്നു.. സൂര്യന്‍ ഉദിച്ചു വരുന്നു... ചെറിയ പുല്‍നാമ്പിലും മഞ്ഞിന്‍ കണം തുളുമ്പി നില്‍ക്കുന്നു..

അതിലൊരു ചെറു പുല്‍നാമ്പ് പറിച്ചു അവളുടെ  കവിളിലുടെ  മൃദുവായി ഓടിച്ചു . ഒരു ചെറു ചിരി അവളുടെ മുഖത്ത് വിരിയുന്നത് കാണാം..

ദൈവമേ ഇവളെത്ര  സുന്ദരി ആയിരിക്കുന്നു.അവളുടെ കവിളില്‍  ഞാന്‍ ചുംബിച്ചു..ടെന്ടിനകത്തേക്ക്  നുഴഞ്ഞു കയറിയ ചെറു കാറ്റില്‍ അവളുടെ മുടിയിഴകള്‍ പതുക്കെ പാറുന്നു..എന്റെ കൈകള്‍ കൊണ്ട് ഞാന്‍ അവളെ പതുക്കെ പുല്‍കി ....

ഈയൊരു പ്രഭാതം ഒരിക്കലും  അവസാനിക്കാതിരുന്നെങ്കില്‍...........".............777....... ....

"മുത്തുച്ചിപ്പി പോലൊരു...."   വിദൂരതയില്‍  നിന്നും പാട്ടും  കേള്‍ക്കുന്നു...

"ഡാ തെണ്ടി  ആ ഫോണ്‍ ഒന്നെടുക്കുന്നുണ്ടോ... മനുഷ്യന്റെ ഉറക്കം കളയാനായിട്ട്..F@#@$#"

  ഈശ്വരാ.. അതൊരു സ്വപ്നമായിരുന്നോ...അവളെവിടെ...മഞ്ഞെവിടെ..കൂടാരം എവിടെ ...എല്ലാം സ്വപ്നമായിരുന്നോ?...

നല്ലൊരു സ്വപ്നം കളയാനായിട്ട്  ആരാണീ വെളുപ്പാന്‍ കാലത്ത് വിളിക്കുന്നത്?

shikha calling...മൊബൈല്‍ സ്ക്രീനില്‍ അവളുടെ മുഖം തെളിഞ്ഞു..സ്വപ്നത്തില്‍ കണ്ടത് പോലെ തന്നെ..അവള്‍ ഇപ്പോഴും സുന്ദരി ആണ് ... ഇന്നൊരു നല്ല ദിവസമാണെന്ന് തോന്നുന്നല്ലോ .....

"എന്താണ് മാഷെ...?"

"ഡാ ...ഞാനിന്നവനെ സ്വപ്നം കണ്ടു....:D"

"ആരെ.. :O?"

"അവനെ ... അല്ലാതാരെ ...ഒരുപാട് വര്‍ഷങ്ങള്‍ക്കു ശേഷം അവനെ വീണ്ടും കണ്ടു... ഒരുപാട് മഞ്ഞുള്ള ഒരു സ്ഥലം .. ആ മഞ്ഞിനകത്ത് നിന്ന് 

പതുക്കെ അവന്‍ കടന്നു വന്നു ... ചെറിയ വെളിച്ചം... നല്ല തെളിഞ്ഞ പ്രകാശം... അവന്‍ എന്നെ നോക്കി ചിരിച്ചു..അവന്‍ എന്നെ കണ്ടു ഞാനും അവനെ കണ്ടു ..

മഞ്ഞു പതുക്കെ മാറിയപ്പോള്‍ ചുറ്റും ഒരുപാടു പൂക്കള്‍ ... നല്ല മഞ്ഞ പൂക്കള്‍ ... ചെറിയ കാറ്റ് ... ആ കാറ്റില്‍ അവന്റെ മുടിയിഴകള്‍ പാറുന്നു....

സൂര്യന്‍ ഉദിച്ചു വരുന്നതെ ഉള്ളു.. ഞങ്ങള്‍ ഏതോ ഒരു കുന്നിന്‍ ചെരുവിലാണ്‌....."".." :$     "

"അവന്‍ എന്താ നിന്നോട്  പറഞ്ഞത്?"

"ഇടയ്ക്കു കയറാതെടാ  തെണ്ടി.... :@ അവന്‍ ഒന്നും പറഞ്ഞില്ല .

അവന്‍ പതുക്കെ എന്നെ  പുറകില്‍   നിന്ന് വട്ടം പിടിച്ചു .... ഞാന്‍ അവന്റെ നെഞ്ചോടു ചേര്‍ന്ന് നിന്നു ...ഞങ്ങള്‍ ഒരുമിച്ചു ഒരു പുതിയ പ്രഭാതം വിരിയുന്നത് കണ്ടു...it was so beautiful...ഈ ഒരു നിമിഷം ഒരിക്കലും അവസാനിക്കല്ലേ എന്ന് ഞാന്‍ അപ്പോള്‍ ആഗ്രഹിച്ചു ,പ്രാര്‍ത്ഥിച്ചു ...:) :D :P :$"

"എന്നിട്ട് ?"

"എന്നിട്ടെന്താ...അപ്പോഴേക്കും ഞാന്‍ കണ്ണ് തുറന്നു .."

"ശ്ശെ ..കളഞ്ഞു ....എന്തായാലും  u r a lucky gal... :) .ഇഷ്ടപെട്ടവര്‍ സ്വപ്നത്തില്‍ വരിക ഒരു ഭാഗ്യമല്ലേ ..."

"mmm....but i am sooooo haapppeeee now.... നിനക്കെന്താ പര്വാടീസ് ...?

"വെളുപ്പാന്‍ കാലത്ത്വിളിച്ചുനര്ത്തിയിട്റ്റ് എനിക്കെന്താ പര്വാടീസ് എന്നോ? ഭയങ്കര ക്ഷീണം...ഒരു സ്വപ്നത്തില്‍ ആയിരുന്നു.. ഇത്തവണ  ഏതോ ഒരു യുദ്ധ ഭൂമിയില്‍ ആയിരുന്നു ഞാന്‍ ... ഭയങ്കര  ബോംബു സ്ഫോടനവും വെടിയൊച്ചയും ഒക്കെ ആയിരുന്നു ..."

"ഹാ'..ഹാ .ഹാ .. നിനക്കെന്നും സ്വപ്നം കാണല്‍ ആണല്ലോ... നല്ല സ്വപ്നംഒന്നും കണ്ടുടെ ..."

"ഹാ..ഹാ ...ഹാ "

"അപ്പോള്‍ എല്ലാം പറഞ്ഞപോലെ ... will get u latr.. ഞാന്‍ പോകാന്‍ റെഡി ആകട്ടെ ..."

"lokies dear....അതേയ് ... ഈ സ്വപ്നത്തിന്റെ ബാക്കി കാണുകയാണേല്‍ എന്നോട് കൂടി പറയണേ... :P"
"ഹാ..ഹാ..പറയാം...അപ്പോള്‍ എല്ലാം പറഞ്ഞ പോലെ ..."

"bibi..dear"
ഞാന്‍ പതുക്കെ എഴുന്നേറ്റു വാതില്‍ തുറന്നു... ഭയങ്കര മൂടല്‍ മഞ്ഞു ....പക്ഷെ ബാന്‍ഗ്ലൂര്‍  ഇത്തവണ അത്ര തണുപ്പില്ല.. നല്ല മഞ്ഞുണ്ട്..

ആരെങ്കിലും ആ മഞ്ഞിനുള്ളില്‍ നിന്ന് വരുന്നുണ്ടോ...ഞാന്‍  നോക്കി ?

( കോപ്പ് ഉണ്ട് ...puke)