Thursday 11 October 2012

ക്ഷണികമൊരു ലഹരി


നിനച്ചു നിന്നെ ഞാന്‍ 
എന്നോര്മകളില്‍ നിന്നും 
പുകച്ചുരുളുകളായി വാനില്‍ പടര്‍ത്തി..
ഉയര്‍ന്ന മേഘ തൂണുകളില്‍ 
പടര്‍ന്നു ഞാന്‍ കാറ്റിനിരമ്പം
കേട്ട് മേലെ പറന്നുയരവേ..
കഞ്ചാവിന്റെ  ഗന്ധമൊരു 
പനീരായി എന്നില്‍ നിറയുന്നു..
ഉണര്‍വോ അതോ ഉറക്കത്തിലെ കനവോ
കനത്ത ചുരുളുകള്‍ ഉയര്‍ന്നു പൊങ്ങുന്നു..
കണ്ണീര്‍ തപിച്ച്ചാവിയായി 
മുകളിലെക്കുയര്‍ന്നൊരു ചെറു മഴയായ് പതിക്കാം...
ഇനിയീ മഴക്കാറിലെന്‍ പ്രണയത്തിന്‍
പേറ്റു നോവോളിപ്പിക്കാം
അതൊരു മഴയായ് പെയ്യുമ്പോള്‍ 
അതിലലിഞ്ഞു ആത്മ രതിയുടെ സുഖം നുകരാം..
നിന്റെ കിതപ്പും വിയര്‍പ്പും 
ആ മഴയില്‍ കുതിര്‍ന്നു തീരട്ടെ..
കുടഞ്ഞു കളഞ്ഞൊരു ഓര്‍മ്മകള്‍ ഈ 
ലഹരിയുടെ തണുപ്പില്‍ നൂണ്ടു കയറുന്നു.. 
കളഞ്ഞു പോയതിന്റെ നീറ്റലും ഓര്‍മകളും വീണ്ടും 
ചിലപ്പോള്‍ പോയെന് തോന്നിയതൊരു തോന്നലാകാം..